કોણે રચ્યા હશે દિવસ-રાત, રામ જાણે !
કયા છે નિર્દેશકનું આ કામ, રામ જાણે !
સૂર્ય, ચંદ્ર, તારલાને ગ્રહો રમે આકાશમાં !
કોણે ચૂકવ્યા હશે એમને દામ, રામ જાણે !
ઊગવું, આથમવું, ભરતી-ઓટ કેટલું ચોક્કસ !
કોની હશે આ ગણતરી તમામ, રામ જાણે !
આ ફૂલો, પંખીને વૃક્ષો કેટલા પરગજુ છે !
એ ક્યારેય લે છે ખરા આરામ, રામ જાણે !
બે શોધ શું કરી ખુદને ઈશ્ર્વર સમજે છે,
એ કેમ કરે છે ચક્કાજામ, રામ જાણે !
- વિજય રોહિત, મો : 990 950 2536
No comments:
Post a Comment