વડોદરા

સૌથી પ્યારું, સૌથી ન્યારું...
શહેરોમાં શહેર છે વડોદરા મારું

સૂરસાગર મધ્યે શિવજી બિરાજે
નવનાથ છે શહેરની રક્ષા કાજે
નાનું પણ છે કલાના નવરસવાળું
                                             ......વડોદરા મારું

ભાખરવડીને ચેવડો અહીંના વખણાય
સેવઉસળ ને વડાપાંઉ તો ટેસથી સૌ ખાય
મોજમસ્તી ને માણે છે જીવતરનું ભાણું
                                                  ......વડોદરા મારું

ગીત-સંગીતની મહેફિલો એ કાયમ માણે
કલા ને ઉત્સવો તો દિલથી મનાવે
ગરબા-ઉતરાણ તો ‘વિજય’ સૌના પ્રાણવાયુ
                                                  ......વડોદરા મારું

© વિજય રોહિત,
વડોદરા, તા. ૨૪/૯/૨૦૧૭, રવિવાર