પ્રેમ

પ્રેમમાં એવું તે શું થાય છે

ખળખળ વહેતું ઝરણું સમંદર બની જાય છે

પંખીએ વૃક્ષને એકાંતમાં પૂછ્યું

વસંતમાં તને કાંઈ ફેર-બેર પડે ?

પુષ્પો ને લહેરાતી વનરાજી જોઈને

ડાળીઓ કેટલા ટહુકા ભરે ?

વૃક્ષ તારા મૂળમાં ખળભળ મચી જાય છે ?

પ્રેમમાં એવું તે શું થાય છે...

વાદળાએ વહેતી નદીને પૂછ્યું

પ્રેમનો વરસાદ તને કેટલો સ્પર્શે

કંદરાઓ કૂદતા, ઉછળતા જળમાં

પ્રેમનો પથ્થર કેટલા વલયો સર્જે

નદી તુ દોડીને કેમ સમંદર ભણી જાય છે ?

પ્રેમમાં એવું તે શું થાય છે...

- વિજય રોહિત

ફીલિંગ્સના પ્રેમ વિશેષાંકમાં 

વેલેન્ટાઈન ડે નિમિત્તે પ્રસિધ્ધ થયેલ મારું એક ગીત