જ્વાલા

દિલની વાત રાખો ના દિલમાં ભરી
નહીં આવે પછી મોકો આવો ફરી

ગુસ્સો નાક પર રાખે કાયમ અને
દિનકરથી ય વધુ જ્વાલા છે એમની

મળવાની ઈચ્છા ના હોય તો ના કહો
રાતે કેમ આવો છો સપ્ના થકી

તેં શણગાર કર્યો છે કાજલ વેણીનો
આવ્યા છે અમે સઘળી ઈચ્છા સજી

ના સમજી કિંમત તારી મારા દિલે
લે શહેનાઈ વાગીને આંખો રડી

માનવ લાગણી ને ઈચ્છાનો પૂળો
થોડી આગ મૂકી કે ભડકે બળી

છંદવિધાન : ગાગાગાલ ગાગાગાગા ગાલગા

વિજય રોહિત
મો : 0990 950 2536