આવી તારી યાદ, કોને કહું ?

કોયલના ટહુકારે, વીજળીના ચમકારે,
આવી તારી યાદ, કોને કહું ?

જળ રે ભરવાને ગ્યાતા, સખીઓ સંગાથે,
બેડા મેલ્યા'તા અમે નદીયુના આરે,
પાણીના છલકારે, પ્નઘટના પોકારે
આવે તારી યાદ, કોને કહું ?

ગજરાને સમ દીધા મેં, સજવાને કાજે,
નુપૂરને બાંધી લીધા પ્રીતમ મેં આજે
કાજલને સથવારે, કંગનના ખણકારે
આવે તારી યાદ, કોને કહું ?

હૈયું હરખાય આજ, પ્રેમના પ્રતાપે,
ક્યારે મળીશું પ્રીતમ પૂનમની રાતે
અછડતા અડતા રે, સપ્નામાં મળતા રે
આવે તારી યાદ, કોને કહું ?

વિજય રોહિત
મો : 0990 950 2536